Яқинда Венгриянинг Будапешт шаҳрида ўтказилган Бутунжаҳон шахмат олимпиадасида Ўзбекистон эркаклар терма жамоаси 189 та жамоа орасида 3-ўринни эгаллади. Эришилган бу улкан ғалабада мамлакатимиз терма жамоаси аъзоси, элдошимиз Нодирбек Ёқуббоевнинг ҳам муносиб ҳиссаси бор. Вилоят ҳокими Жўрабек Рахимов таниқли гроссмейстернинг халқаро майдонда  Ватанимиз байроғини баланд кўтариб, юртимиз обрў-эътиборини янада юксалтириш, спортнинг шахмат турини оммалаштириш йўлидаги  хизматларини эътироф этиб, келгуси фаолиятига омад тилади. 
Шунингдек, ўсиб келаётган ёш авлодни спортнинг ушбу турига  қизиқишларини ошириш ва интеллектуал салоҳиятини юксалтириш, “мактабда шахмат” лойиҳасини амалга ошириш мақсадида вилоятимиздаги умумий ўрта таълим мактабларига 5700 дона шахмат тахталари топширилди.